• Published by Yvette
• 2025-10-20 18:01:01

Urushako rukwangiza, Imwe mu myitwarire wahindura mu gihe uri mu rushako rukwangiza.

1.Gushaka ubufasha bwo hanze bukwigisha kwiga kwigirira ikizere, kandi
bukwigisha kwikunda.
2.Kugira amahame ndetse no kutayarengaho.
3.Kutagerageza kubeshya ndetse no kutinjira mu mikino y’uburiganya kugirango
ugere kubyo wifuza kuwo mwashakanye.
4.Kwiga cg gushaka ubufasha bukwigisha: gusimbuza ibitekerezo bwite bibi ufite,
ukabisimbuza amagambo meza akubaka, agusubizamo ikizere, akwibutsa wa
wundi wifuza kuba we, utigeze uba we, kandi uzaba we.
Urugero: igitekerezo“ntuzabigeraho“ ahubwo ukavuga uranguruye uti:“Ndi
intwari“
5.Gutangira gushyira imbaraga zawe ni bitekerezo byawe kubyo wifuza kugeraho
mu buzima.
6.Gusenga( kwegera Imana kuko ariyo yakuremeye inzira ugomba gucamo aha
kuri iyi si). Niyo yo kukuyobora, niyo iguha icyerekezo.
7.Kutinjira mu biganiro bizamura amarangamutima y‘umujinya.
8. Gutangira kwiga kuba inshuti yawe bwite.
9.Gutangira kwiga kuvuga“OYA“ ntabisobanuro birebire bijyana mu mpaka no
mu ndwano , ahubwo urengera uburenganzira bwawe, nta marangamutima
arimo, kandi mu buryo budakomeretsa uwo mwashakanye.
10. Gukora imyitozo ngorora mubiri, biruhura mu mutwe kandi bigufasha kubona
bigari. Ndetse ifasha kwigarurira ikizere.
11. Kwiga kwirengagiza ibyo bito bibi ubona, ahubwo ugatekereza icyo uhita
ukora, kiguha umunezero kandi kibyutsa amarangamutima y’umunezero mu
rugo.
12. Kutavuga byinshi bikwerekeyo( imishinga, ibyifuzo).

13. Gushaka ubufasha bwo hanze, bugufasha kubona neza ikibazo bwite ufite
cyatumye ugira ayo mahitamo.( Urwo rushako). Kandi bukwigisha uko ugomba
kwitwara muri urwo rushako.
14.Kwiga kuzana umunezero mu rugo ariko kurundi ruhande ugaha uwo
mwashakanye umwanya we( Espace).
15.Kubaha ariko utabaye igikoresho cy’uwo mwashakanye,ukiha uburenganzira
bwo kugumana AGACIRO kawe.
16. Gutoranya uburyo bwagufasha kuruhura roho mu buzima bwawe bwa buri
munsi, ukabona aho ushyira ayo marangamutima, ukagira umutuzo muri wowe ,
kugirango uze kubasha kwakira izo mbaraga mbi ziturutse hanze, utaguye mu
burakari cg mu kwangizwa.
17. Gutangira gukora gahoro gahoro cya kintu wakundaga kandi ugikunda
kikuzanira umutuzo n’umunezero( hatarimo ingeso mbi).
18. Gutangira kugendana nabantu bagukunda kandi bakwakira uko uri.

Iyi nyandiko, ikubere URUMURI, ugire icyo uhindura mu buzima ufite ubu.

Sangiza mugenzi wawe nawe byamufasha, kandi niba ukeneye ubufasha,
ntutangirwe, ihe ay’amahirwe yo gufashwa.

Kuko URI UWO AGACIRO

Yvette Ingabe Umwali.